Манекенката Софија Милошевиќ и фудбалерот на „Реал Мадрид“ и репрезентацијата на Србија, Лука Јовиќ не ја кријат врската, па од романтичното патување во Италија објавија и романтична слика на која се бакнуваат.
Поточно, сликата ја објави манекенката на својот профил на Инстаграм, а од приложеното може да се забележи дека двајцата изгледаат среќно покрај Колосеумот во Рим.
– Од Рим со љубов – напишала Софија и го означила Лука, а со тоа на сите им даде до знаење дека тие уживаат во врската за која многу се зборуваше.
– Заљубена сум. Јас сум едно големо дете, а Лука ме освои бидејќи и тој го носи истото во себе – детска искреност. Децата во нас се препознаа. Ме обвинија дека сум му го растурила бракот, иако тој никогаш не беше оженет. Најважно е дека ние двајца ја знаеме вистината и дека сме среќни заедно – изјавила Софија за магазинот „Хелоу“.
