Омилениот парфем на Јелена Ѓоковиќ всушност не е парфем, и токму во тоа лежи вистинското изненадување. Сопругата на Новак Ѓоковиќ е позната по својот природен начин на живот, па затоа целосно ги елиминирала класичните парфеми од својата рутина за убавина. Наместо нив, Јелена Ѓоковиќ користи само есенцијални масла и со тоа ги поместила границите на она што многумина го сметаат за секојдневна козметичка норма.
На својот инстаграм-профил, Јелена сподели одговор на порака од обожавателка која била инспирирана од нејзиниот природен пристап кон негата:
– Ме праша што мислам за индустријата за парфеми бидејќи сите ги сакаме. Јас ѝ одговорив дека одамна не користам парфеми, туку етерични масла – напиша Јелена.
Освен што ја избира природата пред индустријата, Јелена е и економична, бидејќи парфемите се многу поскапи од есенцијалните масла. И додека цената на парфемите со повисок квалитет започнува од 50 евра нагоре, цените на есенцијалните масла се приближно 5 евра по шише.
