„Нултата толеранција“ кон Ковид ги поттикнува протестите во Кина, но и инфекциите се зголемуваат. Кинеската Влада најавува: „Борбата против Ковид ќе биде успешна“.
„Нултата толеранција“ кон Ковид се претвора во бумеранг за кинеското раководство: илјадниците луѓе кои излегоа на улиците вчера во различни градови во земјата, за првпат директно ги таргетираа Комунистичката партија и претседателот Си, од кои беа побарани оставки.
Anti-lockdown protests in Chengdu getting out of control. Similar pictures arrive from Shanghai, Wuhan, Guangzhou and even Beijing. #China #Chengdu pic.twitter.com/qnktz2b62o
— (((Tendar))) (@Tendar) November 27, 2022
Во овој контекст, бројот на нови инфекции со коронавирус во Кина го надмина својот рекорд веќе петти последователен ден: Националната здравствена комисија извести дека вчера биле регистрирани 40.347 случаи, од кои 36.525 (90,5%) се асимптоматски.
Од 3.822 симптоматски случаи, огромното мнозинство (3.748) биле пренесени локално во границите на земјата, со посебна инциденца во области како што се Гуангжу (1.347 инфицирани), Пекинг (840) или Чонгкинг (238).
Овие три области сочинуваат и повеќе од половина од новите асимптоматски случаи регистрирани во земјата, иако треба да се напомене дека здравствените власти не ги вклучуваат во листата на потврдени случаи доколку не почнат да ги покажуваат потребните симптоми. Комисијата, исто така, посочи дека 74 од симптоматските случаи и 221 од асимптоматските случаи биле идентификувани кај патници од странство.
На национално ниво, има повеќе од 342.000 луѓе во изолација под медицински надзор како асимптоматски носители на вирусот, вклучително и скоро 1.700 од други територии.
Кина, која има строга политика на „нулта толеранција“ кон новиот коронавирус, забележа бранови на епидемии кои се припишуваат на варијантата Омикрон во последниве месеци што доведе до рекорден број на инфекции кои не се забележани од почетокот на пандемијата во првата половина на 2020 година. Бројот на пациенти со симптоми во Кина сега изнесува 33.129, од кои 104 се во тешка состојба.
