Соработката меѓу двајцата уметници продолжува, а во меѓувреме актерот го придружува легендарниот гитарист на европската турнеја.
Турнејата е во тек, а по успехот во Англија таа продолжува во Хелсинки, Стокхолм, Осло, Копенхаген, и повеќе други скандинавски градови, па оттаму се префрла во Италија, за да заврши во Франција, со концерт во Париз на 25 јули.
Турнејата на легендарниот гитарист Џеф Бек добива уште поголема посетеност и популарност поради присуството на Џони Деп во улога на гитарист на сцената.
Во меѓувреме прситгна и веста дека Џони Деп сними албум со Џеф Бек, легендарниот фронтмен на Јардбрдс, со кој веќе свиреше неколку пати во Велика Британија па дури и во деновите кога поротата одлучуваше за неговата судбина во судскиот процес против Амбер Херд.
Албумот ќе излезе во јули, а е првиот голем проект за Деп во „новото поглавје“ од неговиот живот, период кој започна со пресудата на поротата во негова корист.
