Владата на Канада објави дека во иднина нема да издвојува никакви пари за обезбедување на принцот Хари и Меган Маркл.
Безбедносните трошоци ќе бидат покриени само до 31 март, кога и официјално престануваат кралските должности на парот, кој одлучи да се одвои од семејството и да започне самостоен и независен живот.
„Војводата и војвотката од Сасекс избраа доста време да поминуваат во Канада и ја претставуваа нашата влада на единствен начин и под единствени околности. Од почетокот соработувавме со официјалните лице во Велика Британија во врска со безбедносните прашања. Бидејќи тие во моментот се признаени како меѓународно заштитени лица, Канада има обврска да им пружи безбедносна помош според потребите. Помошта ќе изостане за неколку недели, во склад со нивната промена на статусот“, објасни канадскиот министер за државна безбедност Бил Блер.
Значи, откако официјално на 31 март тие ќе го прекинат кралскиот статус, на Меган и Хари им преостанува навистина да останат независни – што значи сами да си ги платат трошоците и потребите.
