Популарната пејачка Неда Украден одржа прес-конференција пред српските меидуми на која зборуваше за претстојниот концерт во салата на МТС во Белград.
По тој повод Неда со солзи во очите откри која песна ѝ е една од омилените и зошто.
– Нема да ви кажам сè, но ќе отпеам една песна што никаде ја немам изведено по тој прв настап. Го замолив Бата Ковач да ми напише песна, а Марина да го напише текстот. Се договоривме во февруари, а на 2 март татко ми почина на 69 години. Јас бев ужасно врзана за него како единица, а и тој за мене. Исчезна буквално за два-три месеци. Но, знаете како, шоуто продолжува, го договоривме и тој фестивал. Едвај ја испеав песната ‘Еј, да те слушав тебе татко’, бидејќи секој збор е моја ситуација. Марина Туцаковиќ ме познаваше мене и мојот љубовен живот и мојот однос со татко ми. Мислам дека тоа се најубавите стихови што ги напишала за песна која не е комерцијална – рекла таа и откри дека е многу среќна поради претстојниот концерт во Белград:
-Убаво е да се пее во мојот град, токму во оваа сала, го сакам затоа што комуникацијата со публиката е блиска – изјавила пејачката, која има особена благодарност кон семејството кое и е на прво место во животот:
– Мојот однос со семејството е на врвот, а потоа и сите останати работи. Моите внуци се моето најголемо богатство. Тие ми дадоа неверојатна смисла на мојот живот и на мојата кариера. Тие секогаш ќе бидат мои деца, додека сум жива- рекла Неда.
