Неверојатни мејкап трансформации
Фабиола Баjери е една од највлијателните и најпознатите ѕвезди на „ТикТок“ во родната Италија. Осумнаесетгодишната девојка од Рим ја следат над 3 милиони луѓе, а нејзината популарност се должи на видеата во кои покажува неверојатни трансформации на шминка.
Самата Фабиола тврди дека наутро изгледа како ќерка на филмскиот лик Мистер Бин (Роан Аткинсон), а навечер како сестра на Кендал Џенер.
Еден поглед на нејзините забавни снимки е доволен за да поверувате дека ја зборува вистината! Фабиола го започнува секое видео со прикажување во утринското издание и без трошка шминка, а во некои моменти, поради густите веѓи, големите очи и гримасите на лицето, навистина наликува на славниот британски комичар.
Но, по само неколку секунди, таа се претвора во атрактивна, беспрекорна дама, чија убавина го одзема здивот! Секоја снимка од оваа Италијанка редовно има неколку милиони прегледи, а нејзиниот талент за шминкање ги воодушевува жените низ целата планета.
Инаку, и покрај тоа што оваа девојка ја истакнува впечатливата разлика во нејзините две варијанти – кога е нашминкана и кога не е, многумина тврдат дека таа е и природно многу убава, а дека нејзината глума е одлична и дека грдиот изглед е всушност само гримаса.
@fabiola.baglieriReply to @slaysactually you think?♬ need to know x goosebumps longer version DJ Lilli – DJ Lilli
