Легендата на фолк музиката Халид Бешлиќ веќе некое време лежи во болница, каде што, според неговиот менаџер и долгогодишен пријател Сабит Саша Дервишевиќ, се лекува на одделот за онкологија. Веста за неговата здравствена состојба ја вознемири јавноста и фановите, но менаџерот вели дека нема причина за паника – пејачот добро реагира на терапијата и се очекува наскоро да биде пуштен дома.
Сабит откри за медиумите дека редовно го посетува Халид и дека се познаваат речиси целиот свој живот. Нивното пријателство датира од нивната младост и како што рече, се запознале одамна, на концерт во Босна.
– Се сеќавам на тој ден, возев Дијана 6 и планирав да ја продадам за да купам Голф. Му го ветив тоа на Синан Сакиќ, но штом го запознав Халид, веднаш се заљубив во него – како личност, а дури потоа и како пејач. Се заинтересира за мојот автомобил и на крајот му го продадов. Оттогаш, па сè до денес, Халид секогаш купува нови автомобили од мене во Франкфурт. Така започна нашето пријателство, дури и пред да почне да работи со Назиф Ѓива. Кога Назиф дојде подоцна, имаше општ распад – се присети Саша.
Денес, децении подоцна, двајцата се уште се неразделни. Сабит го посетил Халид во болницата три или четири пати и нагласува дека пејачот е голем борец:
– Секој што ме познава мене и Халид знае колку сме блиски. Оваа ситуација ми беше тешка, но Халид е голем борец и ќе продолжи да се бори. Тој е навикнат на движење, луѓе и тешко му е да биде мирен. Но, важно е што тој не чувствува болки и прима редовна терапија. Само лекарите можат да коментираат за неговата состојба, а наше е да се молиме за негово закрепнување.
Дервишевиќ, исто така, откри дека лекарите планираат наскоро да го пуштат Халид дома за краток временски период за да може да се одмори од болничката средина.
– Тој добро реагираше на оваа терапија. Дури постои и идеја наскоро да се пушти дома, барем за кратко време, а потоа лекарите ќе одлучат како ќе изгледа продолжувањето на третманот. Како што стојат работите сега, сè оди добро и се надеваме дека ќе биде како што треба – оптимистички рече Сабит, според Ава.
