Поранешниот партнер на рускиот супермодел Ирина Шајк, Бредли Купер, се „загрижил“ за новата романса на Ирина со Том Брејди. Покрај тоа, според изворите, актерот е ужаснат што бекот на НФЛ може „засекогаш да и го одземе срцето од него“, како што пишува Дејли меил.
Веројатната врска помеѓу Ирина и Том стана позната викендов, кога папараците ги снимија во неговиот автомобил. Според странските медиуми, пред тоа Русинката преноќила во куќата на спортската ѕвезда.
Tom Brady & Irina Shayk are reportedly dating 👀 pic.twitter.com/P4Qy6n6wQv
— Daily Loud (@DailyLoud) July 24, 2023
Сега, извори откриваат како поранешниот партнер на супермоделката реагирал на новиот пар. Имено, 48-годишниот американски актер и продуцент Бредли Купер е многу незадоволен од новиот љубовен интерес на неговата поранешна девојка. Манекенката и актерот почнаа да се забавуваат во 2015 година, а во март 2017 година добија ќерка по име Леа. И покрај фактот дека ѕвездената двојка се распадна во 2019 година, тие поминуваат многу време заедно за доброто на девојчето.
Но, сега кога ѕвездата на модната писта има нова романса, ѕвездата на „Мамурлак“ го изрази своето незадоволство.
„Да каже дека тоа не му пречи би било лага“, вели инсајдерот. Тој се уште е со Ирина одвреме-навреме и многу ја сака. Таа е мајка на неговата ќерка и тие се двете најсакани негови жени во светот. Бредли чувствува дека Ирина за прв пат во животот запознала некој во Том кој засекогаш може да ѝ го одземе срцето и да ја оддалечи од него“.
Што се однесува пак, до поранешната сопруга на Том, супермоделката Жизел Бундхен, која почна да се забавува со фудбалската ѕвезда во 2007 година и беше со него повеќе од една деценија пред да го потврдат разводот во октомври 2022 година, изворот открива дека „воопшто не ѝ пречи“ неговата врска со Ирина. .
„Жизел не се грижи за Том и Ирина или за било кој со кого Том е во врска се додека се однесува кон нивните деца со љубов“, тврди изворот. „Се додека тој остане прекрасен татко каков што е, Жизел е среќна за него и за секој во кој сака да се заљуби“.
