Кирк Даглас е роден на 9 декември 1916 година. Играл во 95 играни филмови, а продуцирал повеќе од 30. Тој е добитник на почесен „Оскар“ за животно дело. Има добиено Претседателскиот медал за слобода, како и наградата за животно дело од Американскиот филмски институт.
Неговиот син Мајкл Даглас во објава на Инстаграм соопшти за неговата смрт.
Холивудската икона Кирк Даглас тврдеше дека доживеел сто години благодарение на неговата сопруга Ен Бајденс Даглас (100), со која успеал да се опорави од сите неволји што му ги донел животот.
Преживеал мозочен удар што му го променил говорот и го принудил да престане да глуми пред две децении. Тој се опорави без поголеми последици од хеликоптерската несреќа во 1991 година, а смртта на неговиот син Ерик во 2004 година му оставила огромна празнина.
Неговиот син, холивудскиот актер, Мајкл Даглас на Фејсбук напиша за загубата која ја доживеало неговото семејство, се збогва од него со емотивни зборови.
“I wanted to be an actor ever since I was a kid in the second grade. I did a play, and my mother made a black apron, and I played a shoemaker. After the performance, [my father] gave me my first Oscar: an ice cream cone.” -Kirk Douglas
Goodbye to a Hollywood legend. pic.twitter.com/vnu1Hkb2FA
— The Academy (@TheAcademy) February 5, 2020
„Со огромна тага јас и моите браќа соопштуваме дека Кирк Даглас нѐ напушти денес на 103-годишна возраст. За светот, тој беше легенда, актер од златното доба на филмовите, кој живееше добро во неговите златни години, хуманитарец кој постави стандарди кон кои сите ние се стремиме, благодарение на неговата посветеност.
Но за мене и моите браќа Џоел и Питер, тој беше едноставно татко, за Кетрин – прекрасен свекор, за неговите внуци и правнуци – нивниот сакан дедо, а за неговата сопруга Ана – прекрасен сопруг.
Кирк добро го живееше животот и остави филмско наследство кое ќе трае со генерации. Дозволете ми да завршам со зборовите кои му ги кажав на неговиот последен роденден и кои секогаш ќе останат вистинити.
Тато – те сакам многу и горд сум што сум твој син.“, напиша неговиот син Мајкл Даглас во објавата на Инстаграм.
