Милиќ Вукашиновиќ утре на 6 декември ќе ја напушти болницата откако пред два дена му беше ампутирана ногата.
Рокерот сѐ уште се опоравува од тешката операција, а лекарите се презадоволни од неговата моментална состојба.
– Закрепнувањето оди добро, само ме преврзаа. Немам болки, бидејќи има апарат што го користам и навистина ми помага. Задоволен сум од закрепнувањето, како и од посветеноста на докторите. Тие се презадоволни од тоа како зараснува раната, па решија утре да ме пуштат дома – изјави рокерот за српски „Информер“.
Признава дека тоа многу го израдувало, бидејќи дома ќе му биде многу поубаво и полесно.
– Домот е секогаш најубав, таму е и Сузана, ќе ми биде многу подобро отколку во болница. Веќе почнав да вежбам кај физиотерапевт, ќе продолжам кога ќе излезам. Ниту оваа друга нога не е во најдобра состојба и сега целата тежина на телото ќе биде на неа, па потребно е дополнително да се зајакне – вели Вукашиновиќ.
Тешката операција и нарушеното здравје, не го поколебаа рокерот кој веќе планира како кога ќе му зарасне раната ќе оди да извади протеза, а потоа на рехабилитација.
Да потсетиме, пред два дена на Вукашиновиќ му беше ампутирана десната нога до коленото.
