Српската пејачка Милица Тодоровиќ е бремена, а како што дознава „Блиц“, станува збор за маж кој не е јавна личност.
Досега, Милица сè чувала во строга тајност и не кажала за својата бременост никому освен на најблиските.
Како што дознава „Блиц“, откако раскинала со Марио Беришиќ (34), кој е уапсен, откако по него беше издадена меѓународна потерница, пејачката брзо пронашла мир покрај друг маж кого Милица не сака јавно да го експонира. По само два месеци врска, пејачката останала бремена.
„Втората желба секако ми е да се остварам во улогата на мајка. Треба да бидеш скромен во животот, мислам дека сè се случува како што ќе каже Бог, тоа е негова волја. Имам желба да станам мајка веќе многу години, но ќе биде како што ќе каже Бог. Можеме да правиме планови, но ќе биде како што ни е запишано“, изјави неодамна таа.
Милица ги откажа сите настапи за летово за да ужива во бременоста.
– Милица долго време сакаше да стане мајка, тоа беше нејзина голема желба. Кога дозна дека е бремена, веднаш ги откажа сите настапи. Сака да ужива во бременоста и во моментов бебето е нејзин приоритет. Природата на нејзината работа е таква што работи ноќе, а во овие моменти ѝ е потребен редовен сон, уреден и здрав живот, затоа не сакаше да се изложува на непотребни напори и таа и нејзиниот партнер донесоа одлука да се повлечат од јавноста – изјавил извор за „Блиц“.
