Првата дама на Америка вчера со кратко видео ѝ се обрати на јавноста, укажа на опасноста од пандемијата и прати силна порака. Не дозволи обесхрабрување, па се присети и на позитивните работи.
„Денес сакам да разговарам со вас во врска со коронавирусот и што тој значи за вас и вашето семејство. Иако сега треба да се извршат промени, нема така да живееме постојано. Нашите деца ќе се вратат во училиште , луѓето ќе се вратат на работа, повторно ќе се собираме на верски настани, концерти и спортски случувања“, рече Меланија.
Видеото е објавено на Твитерот на првата дама, во исто време кога во Белата куќа беше одржан состанок за коронавирусот со претседателот Трамп.
„Ве повикувам да останете поврзани со семејството и саканите личности преку видео-чет, телефонски повици, друштвени медиуми и други технологии“, вели Меланија, повикувајќи ја јавноста да ги следи назнаките на Центарот за контрола на болести и превенција.
„Останете на сигурно. И запомнете, додека многу од нас се одвоени, сите сме заедно во ова“, заврши првата дама.
