Војвотката од Сасекс е подготвена да се врати на стриминг платформата Спотифај со нов проект, по дебито во 2020 година. Меѓу целите е и намалувањето на дезинформациите и лажните вести.
Во 2020 година, парот, сега далеку од британското кралско семејство, потпишал мултимилионски договор со музичката платформа (околу 25 милиони долари), со цел „да изгради заедница преку споделени искуства, наративи и вредности“. Во јануари пак, 2021 година, Меган Маркл и принцот Хари се придружија на големата група познати личности кои ги осудија дезинформациите и зголемувањето на лажните вести за пандемијата „Ковид-19“ во подкастите.
А сега војвотката е подготвена да се врати во етерот, да се слушне нејзиниот глас и да ги охрабри „тековните разговори со директорите на Spotify за спроведување на политики, практики и стратегии за подигање на свеста на креаторите, како и за минимизирање на ширењето дезинформации и за поддршка на транспарентноста“, – како што објасни портпаролот на Арчвел Аудио.
И обожавателите се љубопитни да слушнат што ќе има да каже војвотката од Сасекс во нејзината нова серија на подкасти, по првото искуство во кое не се покажа многу успешна, бар не онолку колку што јавноста се надеваше. Откако беше потпишан договорот меѓу (поранешната) кралска двојка и Spotify, всушност, објавена е само една епизода од серијата закажана за 2020/2021 година, а многумина зборуваа за пропаст. Но, Маркл е решена да ја придобие јавноста.
