Гласините кои ја поврзуваат Меган Маркл со враќање на актерството продолжуваат да се разгоруваат, во голем дел поради неочекуваниот успех на „Suits“ на Нетфликс.
Војвотката од Сасекс се појави во 108 епизоди од правната драма пред да си замине во 2017 година и да се омажи за принцот Хари.
Сепак, серијата ова лето стана хит на стриминг платформата, соборувајќи рекорди како серија број еден трета недела по ред.
Why has ‘Suits’ blown up so much on Netflix? https://t.co/4qGQQW3S0x
— The Daily Dot (@dailydot) August 10, 2023
Маркл се втурна во светот на подкастингот и добротворната работа откако се откажа од својата позиција како постар член на кралското семејство, а таа претходно изјави дека нејзините актерски денови се зад неа.
„Глумата нема да биде област на фокус, Меган Маркл нема да се враќа пред камера и нема да ја продолжи кариерата како актерка“, рече портпаролот на WME кога потпиша со нив договор во април.
Меѓутоа, сега има сугестии дека Маркл можеби има промена на планот. А тоа се должи на неверојатниот успех на „Suits“ на Нетфликс. Според висок претставник на студиото со кое наводно веќе војвотката од Сасекс има потпишан договор, Меган наголемо се спрема да се врати на глумата, пишува Сандеј Експрес, додавајќи дека за успехот на серијата токму Меган е „движечката сила“.
„Сакајте ја или мразете ја, луѓето не можат да се заситат од неа, а нејзините советници во WME се целосно свесни дека сега може да стане ѕвезда со големина од А-листа за секој филм или ТВ-проект во кој ќе избере да настапува“, нагласува изворот и додава – Дали може да си дозволи да го одбие она што стана сега за неа златна можност?
„Нејзините советници ѝ велат дека никогаш не била во подобра позиција да ја заработи својата слава со нови проекти пред камерите, со оглед на неверојатната побарувачка од обожавателите да ја гледаат нејзината стара улога во „Suits“, вели изворот.
Сигурно ќе биде интересно да се видат следните потези на Маркл, во случај таа навистина да ѝ се врати на старата професија.
