Францускиот претседател Емануел Макрон, за време на прес-конференцијата по разговорите со американскиот претседател Џо Бајден, рече дека времето на можни преговори меѓу Русија и Украина ќе зависи од тоа како ќе се промени ситуацијата во наредните недели и месеци.
„Развојот на ситуацијата во Украина во наредните недели и месеци ќе го одреди вистинскиот момент и изборот на Украинците“, рече Макрон.
Тој истакна дека смета дека е „логично“ претседателот на Украина Володимир Зеленски да постави предуслови за почеток на преговорите и ја отфрла можноста за притисок врз оваа земја да прифати „компромисни услови“.
Претходно, Макрон на заедничката прес-конференција со американскиот претседател Џо Бајден во Вашингтон рече дека ќе продолжи да води дијалог со рускиот претседател Владимир Путин за да се постигне решение за украинскиот конфликт.
