Дали мајмунските сипаници еволуирале за да бидат позаразни? Виролозите велат дека сојот што се шири низ светот има „многу повеќе“ необичности од очекуваното. Ова е причината зошто научниците алармираат.
Вирусот кој обично досега беше присутен само во Африка продолжува да се шири низ светот. Седумнаесет земји го открија за еден месец и стравот е од невидена глобална епидемија: вирусот можеби „научил“ како полесно да се шири меѓу луѓето.
Португалските виролози, задолжени да спроведат студии слични на оние за Ковид за да ја следат еволуцијата на вирусот, велат дека сојот што моментално е во оптек е многу сличен на оној што се појави во Британија пред четири години. Но, примероците земени од група пациенти погодени од новата епидемија сугерираат дека вирусот веќе поминал низ уште 50 мутации.
Истражувачите напишаа дека ова е „многу повеќе отколку што би се очекувало со оглед на стапката на мутација на ортопоксвирусите (семејството на вируси на кои припаѓа мајмунските сипаници)“.
Научниците предупредија дека мајмунските сипаници можеби направиле „еволутивен скок“ – како што се случи со мутацијата Омикрон на Ковид – предизвикувајќи „хипермутиран вирус“.
Данскиот производител на вакцината против сипаници, која е ефикасна и против мајмунски сипаници, минатата година предупреди дека епидемиите стануваат се почести и дека тоа може да биде предизвикано од „генетската еволуција“ на вирусите.
Сепак, експертите сè уште работат на геномот и вчера Светската здравствена организација (СЗО) соопшти дека нема знаци дека вирусот мутирал. Видот што моментално е во оптек е многу поблаг од другите.
Според експертите од Националниот институт за здравје на Португалија во Лисабон, кои ги анализирале видовите на мајмунски сипаници, епидемијата „најверојатно има едно потекло“ во настан со супер-дифузија.
„Многу е веројатно некој да се заразил, да развил лезии на гениталиите, рацете или на друго место, а потоа да ги проширил на други кога имало близок физички и сексуален контакт“, сметаат експертите и иако, за сега, не именуваат ниеден фестивал, почнале да ги следат случаите од фестивалот на геј гордоста во Гран Канарија, на кој присуствувале 80.000 луѓе помеѓу 5 и 15 мај.
Три случаи во Белгија се поврзани со Дарклендс, фестивал на фетиш во Антверпен, кој траел од 5 до 8 мај. Организаторите оттогаш рекле дека има „причина да се претпостави“ дека некој на настанот бил заразен. Шпанските здравствени власти пак, поврзаа многу случаи со извесна „сауна“ во Мадрид.
Но, препораките не застануваат тука. Всушност, експертите предупредија дека мајмунските сипаници може да се рашират на домашните миленици и на дивиот свет и да станат ендемични за Европа.
