Само во градот се регистрирани 261 случај од 4.600 во САД
Сан Франциско објави вонредна состојба поради зголемениот број случаи на мајмунски сипаници во градот и недостигот на вакцини низ целата земја, пишува Гардијан. Ова ќе им овозможи на локалните власти да мобилизираат повеќе ресурси и персонал за да се справат со појавата и да го забрзаат планирањето за итни случаи.
Градот досега има регистрирано 261 случај, од околу 4.600 во САД, според Одделот за јавно здравје во Сан Франциско.
„Сан Франциско е епицентар за земјата. 30% од сите случаи во Калифорнија се во Сан Франциско, “, рече Сузан Филип, здравствен службеник во градот.
Во криза која досега несразмерно ги погодуваше мажите кои имаат секс со мажи, таа додаде: „Ја издавам оваа изјава за да ја потврдам нашата посветеност на благосостојбата на овие заедници и да овозможиме побрзо да се движиме кон добивање и дистрибуција на ресурсите неопходни за да им се помогне на оние кои биле несразмерно погодени од вирусот“.
