Една од најголемите ѕвезди на регионалната музичка сцена, Лепа Брена, денеска го слави 66-тиот роденден. Пејачката, која со своите хитови, харизма и енергија обележа цели генерации, со децении зазема посебно место на естрадата, а нејзината популарност не опаѓа ни денес.
Од самите почетоци на кариерата до статусот на регионална музичка икона, Брена изгради пат што ретко се гледа на овие простори.
Пејачката, родена на 20 октомври 1960 година во во Тузла, а порасната во Брчко, со децении е синоним за големи хитови, спектакуларни настапи и исклучително успешна кариера.
Прекарот Брена го добила во средношколските денови од нејзиниот кошаркарски тренер во Брчко, додека познатиот водител Милован Илиќ Минимакс ѝ го додал префиксот Лепа во 1981 година. Како што вели самата, Лепа Брена е нејзин бренд и сценско име, додека приватно и официјално останува Фахрета.
Лепа Брена е во брак со поранешниот српски тенисер Боба Живојиновиќ со кого го има синот Виктор.
