Македонската телевизиска презентерка Татјана Стојановска по 15 години ја напушта телевизијата Канал 5, каде што беше дел од информативната редакција и едно од препознатливите лица на вестите.
Стојановска ја сподели веста на својот фејсбук-профил, објавувајќи фотографии од последниот работен ден, кој поминал во емотивна атмосфера. Нејзините колеги ѝ приредиле изненадување со букет цвеќе и накит, испраќајќи ја со убави желби по долгогодишната соработка.
„Емотивен последен ден од мојата 15 годишна работа во Канал 5 телевизија. Многу убави 15 години со моите драги колеги. Ви благодарам“, напиша Стојановска покрај фотографиите.
Иако го завршува својот ангажман во Канал 5, Стојановска останува пред телевизиските камери. Нејзината кариера продолжува во телевизијата Алфа, каде што ќе работи како презентерка на вести.
Педесет и едногодишната водителка е во брак со Михаил Китановски од 2023 година. Таа е мајка на 27-годишниот Матеј, кого го има од претходниот брак со музичарот Благоја Грујовски.
