На заедничката прес-конференција меѓу министрите за надворешни работи на Русија и Турците, Лавров и Чавушоглу, која се одржа во Анкара, новинар на украинска национална телевизија, Муслим Умеров, се обидел да го изнервира Лавров со директно прашање упатено кон министерот: „Која друга украдена стока од Украина, освен пченица, продавате на пазарот?“. Одговорот на Лавров сепак, не бил нервозен: „Еве го мојот одговор: посветени сме на постигнување на целите кои беа јавно објавени: ослободување на источна Украина од притисокот на нацистичкиот режим“.
Лаворв не се „инервира“ ниту на санкциите од Киев против руското раководство, вклучувајќи го секако и Путин, а наметнати од украинскиот претседател Володимир Зеленски, за кои рече дека „се недостојни за каков било одмазднички чин од страна на Москва“, пренесува Тасс. „Мислам дека ова не е достојно за какви било конкретни чекори од наша страна“, објасни Лавров додавајќи „нека си играат децата, наместо да плачат“.
Во меѓувреме, Раи Новости пак, пренесува дека според Лавров, Москва сè уште е отворена за дијалог со Европската унија „но за танго потребни се двајца“ – како што нагласил московскиот министерот за надворешни работи. Лавров продолжува дека наместо танго „засега нашите западни партнери сами танцуваат брејкденс“.
