Паралелните патеки кои потсетуваат на лавиринт се раздвоени со висока жива ограда и дополнително се украсени со дрвја…
Австриските експерти за пејсажна архитектура измислија прекрасен лавиринт парк, природна оаза инспирирана од коронавирусот, односно од мерките за заштита од истиот.
Во овој парк наводно не е можно да се заразите со вирусната инфекција бидејќи структурата на паркот налага постојано да сте на дистанца од речиси два метри.
Паралелните патеки кои потсетуваат на лавиринт се раздвоени со висока жива ограда и дополнително се украсени со дрвја.
Па така секој кој сака да се рекреира во длабока природа, ја има таа можност, така што шета сам во својата патека, одделен од останатите кои исто така се рекреираат.
Австриските власти бараа нацрт од ваков парк знаејќи колку природата и зеленилото се важни за релаксирањето и менталното здравје на луѓето, сега во време на коронавирусот кога јавните зелени површини се затворени и непожелни, а луѓето се принудени на карантин.
