Американскиот суд утврди дека легендарниот бенд „Лед Цепелин“ не ја плагирал култната балада „Stairway to heaven“.
Британскиот хард рок бенд во 2014 година е обивнет дека правејќи ја една од најпопуларните рок балади на сите времиња, всушност ја пагирале песната „Taurus“, дело на американската група „Спирит“.
„Taurus“ е напишана во 1968 година, три години пред да биде објавена „Stairway to heaven“.
Апелационот суд во Сан Франциско сега ја потврди пресудата од 2016 година, со која е утврдено дека „Лед Цепелин“ не ги копирале воведните рифови, како ниту мелодијата од споменатата песна на „Спирит“.
Баладата „Stairway to heaven“ е една од најпопуларните песни во историјата на музиката.
Едноставно не постои топ листа со најдобри рок песни или гитарски соло, а таа да не е на самиот врв од нив.
Нумерата ја напишаа фронтменот на бендот Роберт Плант и гитаристот Џими Пејџ, а ако го загубеа спорот ќе мораа да платат неколку милиони долари отштета.
