Големите музички ѕвезди како што се Мадона, Мајли Сајрус или славниот рок бенд Прл Џем, откажаа концерти поради ширењето на коронавирусот ширум светот, пренесува „Би-Би-Си“.
Мајли го откажа патот за Австралија, каде требаше да пее на еден хуманитарен концерт за австралиските шуми.
И двата концерти на Мадона во Париз се откажани по објавата дека се забрануваат сите големи настани и манифестации. Прл Џем ја откажаа својата турнеја по САД и Канада поради преголемиот ризик од вирусот.
„Добивме извештај дека големите собири котираат високо на листата на она што треба да се избегнува во оваа глобална здравствена криза која почнува да влијае на животите на сите нас. Ризикот е преголем“, стои во соопштението на бендот.
Фестивалот Коачела во Калифорнија веројатно исто така ќе се одложи за во октомври, како и повеќето фестивали кои се закажни за пролет, а се очекува да се префрлат за есен.
Турнејата на Нил Јанг исто така е ово прекин, а „Kiss“ ги откажаа сите свирки.
Земјите како Кина, Јапонија и Јужна Кореја ги откажаа сите свои закажани концерти на неопределно време.
