Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи компир погачки.
– Одлични се за прилог, појадок, вечера, ужинка или едноставно да ги изнауживате само нив. Потребни ви се само неколку состојки и околу 30тина минути за подготовка, вели Мартина.
Потребни состојки
Околу 300 гр варен компир + зачини
300 гр готови кори за баница/баклава
За прелив
1 шолја масло
1 шолја кисела вода
1 белка од јајце
За премачкување
1 шолчка од јајце
Сусам
ПОДГОТОВКА
Сварете го компирот, излупете го и изгмечете го, па зачинете.
За преливот измешајте ги сите состојки заедно.
Земајте по 3 кори меѓу кои ќе премачкате од преливот. Редете кора-прелив-кора-прелив-кора- прелив, па исечете на триаголници. На секој поширок крај ставете по околу 1 лажица од варениот компир.
Затворете ги од страните и извиткајте ги погачките. Редете ги на хартија за печење, премачкајте со жолчка и наросете сусам.
Печете ги околу 15-20 минути во загреана рерна на 180-200 С.
Инаку, наместо со компир може да ги филувате и со друго по желба. Пица фил, сиренце и слично.
Имајте убааав викенд!
View this post on Instagram
