Калциумот е најзастапен минерал во човековото тело и има неколку важни функции. Повеќе од 99 отсто од вкупната содржина на калциумот се чува во коските и во забите каде што функционира за да обезбеди структура, а останатиот 1 отсто се наоѓа во крвта, мускулите, како флуид помеѓу клетките.
На прашањето дали доволно внесуваме калциум во нашето тело, научниците препорачуваат дневната доза на внесување калциум да изнесува 1.000 милиграми, за лица од 18-50 год. Што се однесува до лицата што ја навршиле педесеттата година од животот, препораката е 1.200 милиграми дневно. Калциумот е најмногу застапен во млекото, јогуртот, сирењето, а во големи количини е застапен и во житото, оризот, сојата, сусамот, лиснатиот зеленчук како што се спанаќот, брокулата, кељот, како и во лососот, сардината, морските плодови, бадемите.
Потребен внес на калциум според возраста дневно:
– Бебиња (0-6 месеци) – 210 мг
– Бебиња (7-12 месеци) – 270 мг
– Деца (1-3 години) – 500 мг
– Деца (4-8 години) – 800 мг
– Деца (9-18 години) – 1.300 мг
– Возрасни (19-50 години) – 1.000 мг
– Возрасни (51 година и нагоре) – 1.200 мг
