Лиса Мари Присли и Мајкл Џексон ја прекинаа нивната врска во 1996 година, а таа тврди дека ништо не покажувало дека тој злоставувал деца.
Ќерката на Елвис Присли еднаш во интервју во 2003 година објаснила дека нејзиниот брак со Мајкл Џексон бил обид да го спаси. Лиса истакнала дека Мајкл ја довел во заблуда со неговото постојано жалење, па се обидела да го промени неговиот живот – пишува „Мирор“.
Во интервјуто зборувала како првпат се запознала со Џексон кога била тинејџерка, а во тоа време била во врска со Дани Кугом, кој подоцна станал нејзниот прв сопруг.
Таа немала никаков интерес за Џексон во тоа време, а повторно ги споил нивни заеднички пријател, неколку години подоцна.
– Веднаш почна да ми зборува за тоа што луѓето знаеле за него и што е всушност вистина. И така ме понесе таа приказна – рекла Лиса.
Веднаш ја привлекол, а во тоа време сметала колку е добро Мајкл Џексон во јавноста да биде поразличен, отколку што тоа е во приватниот живот.
– Сè ми се чинеше мистериозно и тоа ме привлекуваше, но тоа всушност беше целиот проблем со нашата врска“ – изјавила Присли.
– Му верував во сè што ми зборуваше. Беше многу уверлив поради некоја причина – рекла таа и открила дека главната причина зошто раскинале е фактот што тој се правел дека е нешто што не е.
Лиса Мари Присли и Мајкл Џексон раскинале во 1996 година.
