После период полн со предизвици и откажувањето на годишната ревија за прв пат по 25 години, брендот „Викторија Сикрет“ се продава за 1,1 милијарда долари, известуваат странските медиуми.
Компанијата „Л Брандс“ е блиску до договор за продавање на „Викторија Сикрет“. Се очекува дека Лесли Х. Векснер ќе го отстапи своето место како извршен директор на „Л Брандс“, царството кое го изгради со купување на „Викторија Сикрет“ во 1982 година, така што фирмата „Сикамор Партнерс“ ќе купи 55% од „Викторија Сикрет“.
Во Колорадо наводно се пронајдени стотици парчиња на долна облека во канта за ѓубре, а сето тоа е во близина на затворена подружница од познатиот бренд.
Се уште не е познато дали е ова крајот и за нивните „ангели“ и годишните ревии, кои важеа за најважното модно случување во годината, или новите сопственици ќе се обидат да го оживеат овој бренд.
