Александра Пријовиќ е во центарот на медиумското внимание откако билетите за нејзините концерти во Србија и регионот се распродадени со неверојатна брзина.
Наскоро ќе одржи пет концерти во Арена во Загреб, како и три концерти во Сараево.
По тој повод организаторите на сараевските концерти кон крајот на месецот најавија дека на влезот ќе се врши детален претрес на посетителите и дека е строго забрането внесување храна, пијалоци, оружје, какви било опијати, како и други опасни материи и предмети.
Напоменаа дека ќе бидат одземени сите недозволени предмети. Безбедноста мора да биде на завидно ниво, тоа е приоритет на организаторите.
Билетите за првиот и вториот концерт на 28 и 29 октомври се веќе распродадени, додека продажбата за третиот концерт е во тек.
Александра доби бројни пофалби од колегите, кои застанаа на нејзина страна и гордо ѝ дадоа голема поддршка.
