Актерката Кораима Торес од Венецуела го полуде регионот во 90-тите години со улогата во серијата „Касандра“, а неодамна беше најавено дека треба да дојде во Србија за да се појави во третиот дел од „Јужен ветер“.
Латиноамериканската ѕвезда на крајот на септември ќе гостува во Србија, но од сосема друга причина, пишува српски „Новости“.
Медиумите сега пишуваат дека Кораима ќе дојде во Србија, но за друг проект. Станува збор за серијата „Игра на судбината“ во која треба да се појави Торес.
Причината за нејзиното доаѓање е најдолготрајната српска теленовела „Игра на судбината“.
Серијата, која има повеќе од 1.170 епизоди од 2020 година, ќе влезе во нова сезона на крајот на месецот, наречена „Тајните на минатото“. „Касандра“ наводно ќе се појави во една од епизодите.
Инаку, во текот на пролетта оваа година српските медиуми беа преплавени со веста дека актерката ќе глуми во „Јужен ветер“. Имено, откако во едно интервју изјавила дека би сакала да сними филм со Милош Биковиќ, продуцентите на популарната франшиза решиле да ѝ понудат нешто што не би можела да го одбие – улогата на водач на кланот, и тоа најсилниот од Латинска Америка.
