Јелена Карлеуша, бидејќи често оди во Обединетите Арапски Емирати, наводно решила и таму да си купи стан и со тоа да престане да престојува во хотели. Според медиумски извор, пејачката затоа посетила неколку локации во Дубаи со агент за недвижности за време на нејзиниот последен престој таму со намера да го избере она што најмногу ќе ѝ одговара нејзе и на нејзиното семејство.
Ѝ биле понудени неколку станови, но на крајот, според понатамошните написи, таа одлучила и купила двособен стан кој моментално е во изградба во кулата „Кавали“, која од следната година ќе биде еден од новите симболи на градот, а се наоѓа во непосредна близина на Дубаи Марина, пишува. Станува збор за кула со 70 ката, која ќе има 464 станови со различна квадратура. На Јелена ѝ се допаднал стан од 130 квадратни метри, чија цена е речиси еден милион евра, што значи дека еден квадратен метар е 7.000 евра.
Според плановите – зградата ќе биде целосно завршена кон крајот на оваа година или на почетокот на следната година, а особено е интересно што целата кула и становите ќе бидат опремени и дизајнирани од „Кавали“, кој е еден од омилените брендови на Ј.К. од почетокот на нејзината кариера. Ова е воедно и првата зграда во светот со потписот на познатата модна куќа.
Како и сите други сопственици на станови тука, Карлеуша ќе живее во имот кој е под 24-часовно обезбедување, објавија српските медиуми. Секој апартман нуди поглед на најголемите туристички атракции како Бурџ Калифа, ЏБР и Марина… благодарение на огромните панорамски прозорци. На располагање ќе ѝ бидат и теретана, кафуле, клуб и ресторан.
На еден од катовите ќе има огромен инфинити базен, како и СПА центар, а станот ќе има и огромна тераса со приватна градина и џакузи. Во рамките на комплексот ќе има спортски терени, болница, супермаркет и трговски центар, како и приватна плажа , така што Јелена, доколку не сака, воопшто нема да мора да го напушти комплексот.
Интересно е и тоа што Карлеуш наводно ќе има батлер на располагање 24 часа на ден, како и собна услуга во апартманот – како онаа во најлуксузните хотели.
