Популарната пејачка Теа Таировиќ, која важи за една од најуспешните и најангажирани млади ѕвезди на балканската музичка сцена, повторно привлече внимание – овојпат не со нова песна или настап, туку со сериозни инвестиции во недвижнини, пишува српски „Курир“.
На врвот од својата кариера, Таировиќ мудро ги искористи приходите од настапите и концертите, вложувајќи ги во она што многумина го сметаат за најсигурна инвестиција – недвижности. Таа неодамна стана сопственичка на стан во центарот на Белград, вреден околу 300.000 евра, кој го купила во готово со помош на агент во кого имала целосна доверба.
Со новиот дом, Таировиќ започна и ново животно поглавје, вселувајќи се заедно со својот партнер. Нејзината блиска околина открива дека оваа аквизиција ѝ била долгорочна желба, а со својата дисциплина и посветеност успеала да ја реализира без никакви кредити.
Но, тука не застанала. Љубовта кон морето и Црна Гора ја инспирирала да вложи и во втор дом – луксузен апартман во Бока Которска, кој го платила 430.000 евра. Според извори, пејачката била решена нејзиниот летен дом да има пространа тераса со поглед кон морето и модерен безбедносен систем.
