Најголемата регионална музичка ѕвезда Јелена Карлеуша успеа да го врати официјалниот канал на платформата Јутјуб, за чие затворање беше одговорен композиторот Александар Радуловиќ.
Во август 2023 година, непосредно пред објавувањето на албумите „Алфа“ и „Омега“, Јелена Карлеуша го загуби својот официјален профил на Јутјуб.
Зад затворањето на каналот на Јелена стоеше Александар Радуловиќ Фута, композиторот и наследник на авторските права на Марина Туцаковиќ, со кого поп-ѕвездата со месеци разменуваше остри зборови низ медиумите, обвинувајќи го за сквернавење на нејзиниот имиџ и дело.
По објавувањето на новите проекти на новиот канал, кој има речиси 100.000 следбеници, ЈК една година подоцна, како што дознава српски „Информер“, успеала да го врати стариот во кој се наоѓа целата нејзина дискографија, вклучувајќи ги и албумите „Магија“, „ЈК Револуција“ и „Дива“.
