Во новото интервју, во подкастот на Гвинет Палтроу, Камерон Дијаз зборуваше за мајчинството, за улогата на родителите и за стареењето. Таа отворено проговори за тоа како се снашла во новата улога на прагот од 50-те години и зошто сака да доживее длабока старост.
Откако стана мајка пред две години, актерката Камерон Дијаз многу се промени. Нејзиното секојдневие не е исто, а на стареењето не гледа на ист начин како порано. 49-годишната Дијаз сега тврди дека сака да доживее длабока старост за да поминува што повеќе време со својата ќерка.
Во новото шоу на колешката Гвинет Палтроу, таа откри дека се надева дека ќе доживее 110 години.
– Целиот концепт на стареењето за мене целосно се промени во последните десет години, особено откако ја добив Редикс – изјави Камерон, која се повлече од светот на актерството во 2014 година. Со сопругот Бени Маден добија ќерка со помош на сурогат мајка и оттогаш не крие дека тоа е исполнување на сите нејзини соништа.
View this post on Instagram
– Отворена сум за сè што ме очекува и многу сум возбудена. Мислам дека имам уште 50-60 години. Сакам да доживеам 110 години бидејќи имам толку мало дете – изјави Дијаз и додаде:
-Мислам дека најубавите моменти ги доживуваш со родителите кога си во 40-тите. Дури тогаш навистина ги цените и сфаќате што ви дале. Затоа сакам да бидам со ќерка ми кога ќе има 40 годин.
Потоа откри дека добрата генетика може да ѝ го овозможи тоа бидејќи нејзиното семејство е познато по долговечност.
– Баба ми трчаше низ полињата на Сан Фернандо со храна за кокошки и зајаци на 72 години. Мислам дека наследив нешто од неа. Исто така мислам дека начинот на кој живееш, како се грижиш за своето тело е исклучително важен – заклучи таа.
