Македонската поп-дива Калиопи и нејзиниот поранешен сопруг Васил Зафирчев, очигледно сè уште се во добри односи.
Калиопи тоа го потврди со роденденската честитка што му ја упати за неговиот 40-ти роденден на нејзиниот инстаграм-профил.
„Секогаш биди среќен мој драг и сакан Зафирчев“, напиша Калиопи.
Инаку, кога Калиопи и Васил стапија во брак во 2004 година, во јавноста се крена голема прашина поради разликата во годините меѓу нив. Нивниот брак заврши по седум години, но и после тоа тие останаа добри пријатели.
„Секој човек има свој пат. Јас сум непоправлив романтичар. Разводот е тежок онолку колку што сте подготвени да поднесете. Моите бивши сопрузи ми се најдобрите пријатели. Веројатно успеавме во тоа, бидејќи сите сме паметни луѓе“, изјави своевремено Калиопи, сакајќи да истакне дека и покрај разводот, таа и Васил се во добри односи.
