Таа е 5 сантиметри повисока од него, а со штилки достигна над 180 сантиметри. Но, Том Круз, кој е висок 173 сантиметри, сепак успеа да се „издигне во висина“ кога застана рамо до рамо со Кејт Мидлтон за време на премиерата на филмот „Top Gun: Maverick“ вчера во Лондон.
59-годишниот актер изгледаше само еден сантиметар понизок од војвотката од Кембриџ. Како го направи тоа? Со пар црни чевли засилени со значителна потпетица.
Кејт, која присуствуваше на настанот со принцот Вилијам, беше супер елегантна во црн фустан со „спуштени“ раменици кој носеше со шпицести црни високи потпетици.
Круз ѝ ја подаде раката додека одеа по скалите на црвениот тепих, а двајцата изгледаа речиси со иста висина.
View this post on Instagram
Не е првпат да се забележи навидум променливата висина на Том дури и покрај неговите повисоки колеги, а тоа поттикна гласини дека носел чевли со повисоки потпетици и повисока платформа.
Иако никогаш не коментираше, Круз често беше сликан во висина на неговата поранешна сопруга Кејти Холмс, која со висина од 179 сантиметри и со потпетици од најмалку 7 сантиметри требаше да го направи да изгледа мал по раст. Ама не беше така.
Гласините повторно се појавија кога тој го промовираше акциониот филм Knight And Day од 2010. На бројните промотивни настани тој одговараше со висината на неговата колешка Камерон Дијаз, која е висока на рамни чевли 179 см.
Но во друго е тајната на Том. Постојат спесијални чевли како поекстремна алтернатива, таканаречениот „подигнат чевел“ му овозможува на мажот да ја зголеми својата висина до 10 см.
Целосен сет на „лифт“ за чевли чини 50 до 100 фунти, (60-120 евра) , додека еден пар стандардни чевли со вграден „лифт“ чини 250 фунти (300 евра). Еден пар нарачани чевли со „лифт“ може да достигне цена од 1.700 фунти (2.000 евра).
