Марко Гвозденовиќ, син на српската пејачка Снежана Ѓуришиќ, годинава доживеа страшна тортура на Врачар во Белград. Претприемачот од Белград, З.И., вчера признал во Првиот основен суд во Белград дека на 15 февруари, во својот стан во центарот на Белград, заедно со Л.С. и со малоленичка со часови го мачеле и злоставувале Марко Гвозденовиќ.
По признанието во судницата, З.И., со одлуката на судијката Душица Ристиќ, бил осуден на една година домашен притвор, додека постапката против Л.С. (26) ќе продолжи, а постапката против малолетничката веќе се води одделно.
Судијата на З.И. му изрекла и мерка забрана за приближување на Гвозденовиќ на помалку од 300 метри и комуникација со него во следните три години, пренесе српски „Курир“.
Марко Гвозденовиќ за „Блиц“ открил ужасни детали.
Марко во емисијата „Сцена“ рекол дека напаѓачите го принудиле да ја лиже сопствената крв, како и дека го соблекле гол и го принудиле на сексуални акти.
Снежана реагирала многу емотивно кога го видела по пеколот низ кој поминал.
– За првпат во моите 45 години, кога ја видов, жената беше деформирана. Ми рече: „Зошто не ми кажа?“ – рекол Марко за „Блиц“.
