Популарната двојка Ирина и Павле Камилоски постојано ги привлекуваат очите на јавноста откако ќе објават нешто на своите профили на социјалните медиуми. Семејните фотографии и видеа од оваа фамилија се секогаш во фокус низ медиумите.
Вчерашната објава од свечениот момент е преубава за споделување, се работи за крштевката на малата Лена, нивната ќеркичка.
Тие одлучиле крштевката да ја направат во преубавиот Галичник, од каде што потекнува Павле, а и Ирина често нагласува дека многу го сака овој крај на Македонија.
Честито голема молитва мила Лена – напиша Ирина на стори, во објава на преубава фотографија од внатрешниот дел на црквата „Свети Петар и Павле“.
Ирина во емисиајата „Мамавизија“ зборуваше за тоа дека Лена е крстена по нејзината свекрва.
– Свекрва ми се вика Елена, меѓутоа, Павле уште од многу мал ја викал Лено. Лена, мајка Лена. И мене ми се допадна како звучи кратко име – Лена. Прекрасно име е и Елена, меѓутоа ете Лена затоа што цело време ја викаме тетко Лено, сите со Лена и се обраќаат. Има луѓе што и не ни знаат дека Елена се вика. И така Лена името го доби по свекрва ми и многу сум среќна – рече таа.
При тоа објасни дека и Јосиф е крстен по нејзиниот свекор и дека е горда што донеле таква одлука околу имињата.
