Познати се сите 40 песни кои годинава ќе се натпреваруваат на Евровизија 2022 која ќе се одржи во Торино, Италија.
Македонската претставничка Андреа со песната „Кругови“ (автор на музиката и аранжманот на „Circles“ е Александар Масевски, додека, текстот е пишуван заедно со Андреа Коевска) во Торино ќе настапи во втората полуфинална вечер на 12-ти мај,
Хрватска ќе ја претставува Миа Димшиќ со песната „Guilty Pleasure“, а во финалето ќе се обиде да влезе настапувајќи на првата полуфинална вечер. Српската пак, претставничка Констракта ќе настапи во втората полуфинална вечер, деветта од 18 земји.
Пет земји обезбедија директен пласман во финалето, а ќе им се придружат уште 20 земји кои во полуфиналето треба да се изборат за пласман во финалето.
А, што за сега велат обложувалниците?
Српската претставничка веднаш по срспкиот избор на песна за Евровизија почна да ги освојува срцата на слушателите и секојдневно е сè повисоко на листата на фаворити. Моментно таа се наоѓа на 16.место.
Хрватската претставничка е на 33.место.
На последните три места за сега се Словенија (40.место), Македонија (39.место) и претставничката на Црна Гора, Владана (38.место).
На врвот на листата е Калуш оркестарот – претставниците на Украина, на второто место италијанските претставници со песната „Вивиди“, а на третото место е Корнелија Јакобс, претставничка на Шведска.
