Првата дама на Украина Олена Зеленска ќе присуствува на погребот на британската кралица Елизабета Втора.
Сопругата на украинскиот претседател Володимир Зеленски ќе им се придружи на светските лидери на погребот на кралицата. Заедно со другите државни функционери, Олена Зеленска викендов ќе пристигне во Лондон за да ѝ оддаде почит на Елизабета Втора.
„Британија е една од најлојалните сојузници на Украина. Присуството на Олена Зеленска на погребот е знак на ова пријателство и меѓусебно почитување “, вели извор за „д сан“.
Повеќе од 30 светски лидери се очекува да присуствуваат на погребот на кралицата Елизабета Втора кој ќе се случува на 19 септември 2022 година во Вестминстерската катедрала, меѓу кои и американскиот претседател Џо Бајден, францускиот претседател Емануел Макрон, кинескиот заменик претседател Ванг Кишан, премиерката на Нов Зеланд Џасинда Ардерн, канадскиот премиер Џастин Трудо, турскиот претседател Реџеп Таип Ердоган, претседателот на Шри Ланка Ранил Викремесинге и претседателката на Европската комисија Урсула фон дер Лајен.
