Дали некогаш сте слушнале за Кабрио? Станува збор за жичара со отворен кров која вози до 1849 метри висок врв на планината Штанзерхорн во Швајцарија, од која се нуди прекрасен преглед на кантонот Нидвалден во средиштето на земјата.
Кабрио има два спрата – долниот дел е во потполност затворен и е направен од стакло за околу 60 патници да можат да уживаат, додека горниот спрат е посебен „балкон“ за оние најхрабрите и овде собира околу 30 луѓе.
Жичарата се движи од станицата Калти која се издигнува на 711 метри, а до која стигнува воз од селото Штанз. Овој воз е во погон од 1893 година, а порано одел до самиот врв.
Кабриолет жичарата почна со работа во 2012 година, со цел на туристите да им понуди еден сосема поинаков вид на уживање во природните убавини на Швајцарија.
Порано на врвот од планината имало хотел, но тој изгорел во голем пожар во 1970 година.
Денеска овде се наоѓа ресторан со неверојатен панорамски поглед на околината, но тој моментално е затворен, јавуваат тамошните медиуми.
