Светот беше во шок кога ја виде снимката од момчето Куаден Бејлс кое во солзи беше снимано од страна на мајка му додека објаснува како бил малтретиран во училиштето.
„Сакам да се убијам. Сакам сега да умрам. Сакам некој да ме убие“, збореше момчето облеано со солзи.
За време на снимањето на ова потресно видео, неговата мајка проговори за насилството.
„Ова е тоа што насилството го прави. Сакам луѓето да знаат колку ова не навредува како семејство, сакам да ви дадам до знаење кој е резултатот на насилството. Нова епизода, ново насилство. Се обидуваме да останеме силни колку што е можно, но ова… ова е доказ како насилството влијае врз дете кое сака само да иде на училиште. Ова им се случува на луѓето. Се чувствувам како да сум потфрлила како родител, се чувствувам како целиот систем да потфрлил. Секој ден се случува ова, мака ми е веќе. Ќе изгубиме уште едно дете кое ќе изврши самоубиство поради насилство“; зборува мајката на детето.
Снимката е прегледана повеќе од 10 милиони пати, а се огласи и славниот актер Хју Џекмен на својот твитер-профил и прати порака за јавноста.
Quaden – you’ve got a friend in me. #BeKind @LokelaniHiga https://t.co/8dr3j2z8Sy pic.twitter.com/jyqtZYC953
— Hugh Jackman (@RealHughJackman) February 20, 2020
„Куаден, похрабар си од своите врсници и што и да се случи, имаш пријател во мене. Ве молам да бидеме внимателни едни спрема други. Животот е доволно тежок, затоа да запамтиме, секоја личност која стои пред нас се соочува со некоја борба, затоа само бидете љубезни“, порача Хју.
