Активистката Грета Тунберг ја осудија што се фотографирала со контроверзниот шведски рапер кој поминал неколку години во затвор.
Музичарот со име 1 Цуз, кој на Инстаграм објави фотка со Грета, секогаш лицето го крие со фантомка, а во песните рапува за злосторства, дроги и омраза кон полицијата, пренесува хрватски „Индекс.хр“.
Во едно интервју тој неодамна откри дека поминал две години во затвор поради „сериозен“ злочин, но не откри што точно сторил.
„Неочекувано пријателство“ – напишал на фотографијата со Грета. Многумина му одговорија на фотката, а не ја штедеа ниту Грета.
– Дали таа барала фотка или тоа бил тој – пишал некој во коментар, а многумина ја цитираа тинејџерката која во една прилика на овој начин се обрати на светските лидери: „Како се осмелуваш“?
