Пејачката Милица Тодоровиќ за својот 35-ти роденден доби часовник „ролекс“ од својот партнер.
Иако од моментот кога дозна дека е бремена се повлече од медиумите, Милица одлучи да го прослави прекрасниот ден со семејството и пријателите, а една од пријателките која се најде на интимната роденденска прослава откри дека од таткото на нејзиното дете добила подарок кој ја оставил без зборови.
„Милица е активна трудница и одлично се чувствува. Иако не се појавува на јавните настани, одлучи да ги собере драгите луѓе и да го прослави роденденот. Овој ѝ е помил од сите претходни бидејќи е бремена и наскоро ќе ѝ се оствари она што со години го посакуваше – ќе стане мајка. Поради сè убаво што ѝ се случува во последно време, ги собра драгите луѓе со кои помина вечер за паметење. Не го славеше само роденденот, туку и тоа што нејзиното, но и семејството на нејзиниот партнер, наскоро ќе биде побогато за уште еден член. Вечерта беше совршена, уживавме во одлична храна, пијалаци и музика, а Милица цело време неуморно играше и ниту во еден момент не ја симна насмевката од лицето“, ја започна приказната пријателката на победничката на „Ѕвездите на Гранд“ и додаде дека главниот момент на вечерта бил оној во кој партнерот на Милица решил да ѝ го врачи роденденскиот подарок:
„Тие двајца љубоморно ја чуваат својата врска и не дозволуваат никакви детали да испливаат во јавноста. Милица е среќна жена бидејќи нашла партнер кој ја третира како принцеза и се труди во сè да ѝ угоди. За време на прославата беа насмеани и среќни, а откако ги дувна свеќичките на роденденската торта, ја изненади со кутија во која имаше часовник ‘ролекс’. Остана без зборови, бидејќи ѝ купи модел кој долго го посакуваше, а покрај часовникот доби и емотивна порака, поради која заплака. Не можеше ни да замисли дека вечерта ќе биде толку посебна. Пред сите нас рече дека е горда на својот избор и дека е среќна што Бог ја погледнал и ѝ го испратил вистинскиот маж.“
