Искинатите фармерки не излегуваат од мода, дури и кога се премногу наглсено-издрпани, а уште ни се модерни и војничките бермуди, класичните бели маички и нивното величество – патиките! Особено кога девојките ги носат со кежуал фустани со макси должина.
Жителите на Скопје, викендов низ жешкиот асфалт „штрафтаа“ по патики – во најразновидни модели, брендирани или „ноу нејм“, а што е пак, тоа важно? Нашиот фотоапарат, со подеднакво лежерен однос како оној на оние кои ги „улови“, ја регистрираше „модната атмосфера“ во центарот на градот и Градскиот парк. А -ха, воглавно се млади, сосема очекувано за пладневните часови кога сонцето буквално „пука“.
Фаворит на нашата модна полиција овојпат се трите девојки седнати на трева во Градскиот парк. Си прават мини-пикник и си кулираат. „Лајк“ за девојката со босите нозе.
Фото-полицаец: Борјан Стојков
