Српскиот пејач Дарко Лазиќ пред еден месец се ожени со својата избраничка Катарина, а по тој повод направија голема гала прослава.
Дарко и Катарина на социјалните мрежи споделуваат фотографии и видеа од своето секојдневие, а сега пејачот ги изненади сите кога на Инстаграм сподели видео на кое Катарина му ги мие нозете во леѓен.
Дарко ја снимил својата сопруга додека му ги брише нозете, а притоа двајцата гласно се смееле.
– Ти благодарам, жено – смеејќи се вели Дарко.
Инаку, пред тоа ја снимал сопругата како заедно со неговата баба подготвуваат зимница во Брестач.
– Да, да, туршијата се подготвува! Ајде лудило, туршијата ќе „пршти“ оваа година?! Секоја чест за Катарина, пофалби – се пошегувал Дарко, додека Катарина го подготвувала карфиолот.
– Бабо, што велиш, добра ли е оваа невестата? – продолжил да се шегува Лазиќ, а коментарот на баба му го насмеал до солзи.
– Мора да работи! Вистинска невеста, работи, сама се вклучи во работата! – додала бабата на пејачот.
– Еве девојки, слушајте ја баба ми, треба да ставате кисели краставички за да бидете вистински невести – рекол пејачот.
