Убавицата Билјана Јаневска, поранешна мисица и моделка, која беше и прва придружничка на Мис Модел Туризам во светот на изборот за убавина во Јамајка, вчера едногласно беше избрана за генерална секретарка на ЛДП за Општина Карпош.
Уште во септември 2021 година Билјана јавно ги изрази своите политички амбиции кога беше кандидатка за советничка во нејзината матична општина Карпош, преку ЛДП и ДОМ.
– Сметам дека убавината и политиката одат заедно. Сакам да придонесам за најдобро во мојата општина. Кандидирана сум 8ма по ред, од 23 кандидати. Се надевам дека ќе влезам во најдобрите, ни рече тогаш Билјана.
Вчера пак, Билјана по изборот за генерална секретарка на ЛДП за Капрош истакна:
– Ветувам дека во следниот период овој мандат ќе го оправдам со уште повеќе работа и ќе бидам достапна за сите членови на општинската. За мене оваа можност претставува голем предизвик за уште поактивно учество на ЛДП Карпош во сите општествени случувања. Обединето, храбро и гласно до нови победи. Со срце за Карпош – рече Јаневска на изборното собрание на кое присуствуваше раководството на партијата.
Едно е сигурно, Билјана е исклучително вредна и амбициозна девојка.
Низ годините таа работела најразлични професии, а за себе знае да каже дека „знае и да мете и да позира. Таа е девојка со богат внатрешен свет и повеќе таленти. Еве само некои од нив – медицинска сестра, физиотерапевт, дипломиран инженер по екологија, магистер по управување со отпад, работела во првото онлајн казино во државата, а работи како советничка за подготовка и спроведување на развојни проекти во ЈП „Дрисла“. Па, така, моделството ѝ е само попатна професија.
