Иако важи за еден од најплодните музичари од Хрватска, пејачот Петар Грашо не мирува и го шири својот бизнис, па пред две години вложил речиси 200.000 евра во луксузен имот. Станот на Петар Грашо се наоѓа на Јахорина, една од најпопуларните планини на тие простори.
Таму Грашо купил луксузен апартман во комплекс кој се наоѓа на околу стотина метри од скијачката патека со поглед на густа борова шума на нешто повеќе од 1500 метри надморска височина.
View this post on Instagram
Инаку, цените на квадрат во овој комплекс во кој ќе ужива Грашо се движат од 2.700 до 4.000 евра, па сигурно е дека ако се брои минимумот, тој искеширал најмалку 160.000 евра за станот…
Во медиумските написи од минатата година се наведува дека се работи за досега невиден станбен комплекс на овие простори, кој е изграден по највисоки архитектонски, проектантски и технолошки стандарди.
– Јахорина ја сакаат сите бидејќи е извор на гостопримство, позитивна енергија и добра забава за целиот регион. Поради близината кон неа гравитираат многу Далматинци и Загребчани, а таму често гледам драги пријатели од Словенија, БиХ и Србија. Цел живот скијам во Западна Европа, а станот во Јахорина не го купив само за скијање, туку затоа што е гаранција за мир и автентична зимска идила – истакна тогаш тој.
