Валентина Тодпровска живее и твори во село Ропотово, Прилеп. Таа е домаќинка која ужива слободното време да го помине во дворот со пријатната опкруженост – со мирисот и магијата на цвеќињата.
Но, Валентина на зрела возраст го усовршила и талентот за уметноста, наследен од нејзините претци, па сега е препознатлива по изработките на украси за двор и други декорации за домот.
Како се роди идејата за изработка на украси за двор?
– Пред три години со почетокот на пандемијата почнав со изработка прво со украсни саксии, потоа со изработка на печурки, гасеници, бубамари, дедомразовци, џуџиња… и од ден на ден имав сè поголема инспирација и желба за работа. Но уметноста не започнува тука, датира уште многу оддамна, влечe корени уште од нашите претци.
Кои мотиви Ви се најинпиративни за изработка?
– Најмногу црпам мотиви од опкружувањето на природата.
Колку време е потребно за изработка на една фигура?
– Во зависност од големината, формата, сложеноста на фигурата, процесот на изработка може да трае од седум до десет дена, понекогаш и повеќе.
Кои материјали ги употребувате?
– Најчесто за фигурите се користи бетон, бои, лакови и други материјали.
Кој е Вашиот најголем предизвик кога е дворот во прашање, а кој – кога се фигурите/украсите во прашање?
– Кога е дворот во прашање секоја моја замисла ја реализорам бидејќи тоа го правам со љубов и тоа ме исполнува, а мој моментален предизвик се изработка на фигура Штрунф.
Се бавите ли со друг вид на изработки?
– Се занимавам и со разни други декоративни изработки освен за во двор и за домашен ентериер.
Инаку, контактот со Валентина го остваривме преку нејзината ќерка, Марија Михајловска, членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Во продолжение погледнете дел од изработките на Валентина.
Фото – приватна архива
