Денес разговара со Трајанка, хемиски течничар и поранешен шпедитер. Трајанка и нејзиниот сопруг со голема страст и љубов се грижат за нивниот двор кој се простира на околу 200 квадратни метри, а се наоѓа во скопската населба Црниче.
– Грижата за дворот бара многу време. Моментно сум невработена и имам време за уредување, грижа и нега на дворот – искрена е Трајанка.
И покрај тоа што дворот изобилува со најразновидни цвеќиња и растеија, нашата цветна дама си има свои фаворити.
– Бројни цвеќиња ми се омилени, но еве, ги одбирам за посебни камелијата и рододендронот. Божествени се кога цветаат, вели таа.
Во текот на зимата цвеќињата биле добро згрижени благодарение на старата куќа која е во самиот двор, резервирана како складиште за убавиците во текот на студените денови.
За крај, ја прашуваме Трајанка за совет што би го дала на оние кои допрва планираат да почнат да се занимаваат со одгледување на цвеќе. Еве што таа препорачува.
– Почетниците во градинарство би можеле да почнат до одгледување на импатија, бомбонче и петунија. Сите три вида цвеќе се прекрасни на свој начин.
Инаку, Трајанка е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА ОД ЦВЕЌИЊАТА НА ТРАЈАНКА.
ФОТО – ПРИВАТНА АРХИВА
